حابة أعبر عن شكري وامتناني على دعمك ومتابعتك خلال السنة الماضية. بدأت رحلتي معك بوزن زائد وصعوبات كثيرة، واليوم ولله الحمد وصلت لنتيجة جدًا مرضية. صحتي أصبحت أفضل، وثقتي بنفسي رجعت، وكل هذا كان بفضل الله ثم اهتمامك وصبرك وتوجيهاتك.

أنت دكتور رائع ومريح في التعامل، وتعاملك الإنساني قبل الطبي هو اللي يصنع الفرق الكبير. شكرًا لك من القلب على كل شيء.

ما شاء الله عليك يا دكتور فيصل، والله أفضل دكتور حقيقي. اليوم كانت أول زيارة معاك. ما شاء الله، تسمع وتعطي كل المعلومات اللي يحتاجها المريض، في وقت صار أغلب الدكاترة يستعجلوا المريض في الزيارة لدرجة يطلع وعنده أسئلة ما قدر يسألها. أنت حتى تحاليلي اللي من 2022 رحت شفتها وفسرتها لي. الله يسعدك ويجزاك خير يا رب.

أكيد أنت دكتور محبوب بين مرضاك، يا حظهم فيك.

أفضل دكتور، ما شاء الله تبارك الله. الله يعطيك العافية يا رب، تحب تشاركنا جميع التفاصيل ونستفيد من نصائحك.

بعد الله كنت السبب في تعافي جسدي واستعادة حياتي للأفضل.

نصيحتك في إني آخذ المونجارو كانت أفضل نصيحة أحد ينصحني فيها وتكون قدها، وفعلًا حياتي تغيرت كثير للأفضل مما توقعت.

شفت العافية والحياة والرضا والراحة، يكفي إن صلاتي ما صارت متعبة زي قبل، يا ربي لك الحمد.

ومتابعته المستمرة ومساعدته ونصائحه اللي دائمًا ينبهني عليها ويوعيني لها، وإرشاداته في الأدوية والفيتامينات، كانت بعد الله السبب إني أنزل ٢٤٫٩ كجم في عشرة شهور. كنت ١١٠٫٨ كجم، واليوم أنا ٨٥٫٩ كجم.

ونصيحته في إني أدخل النادي كانت بعد الله سبب في نجاتي من الكآبة والكسل والخمول اللي أعانيه مع خمول الغدة.

صرت أحب الحياة بعد ما كنت يوميًا أتمنى أموت وأخلص من هالحياة.

شكرًا ما تكفي ولا توفي، وعلى راسي من فوق والله. ما راح أنساه من دعائي.

وبإذن الله الواحد الأحد، لما أوصل لهدفي الصحي، راح أزوره شخصيًا في العيادة وأبشره بحالتي الصحية.

جزاه الله خير عني وعن صحتي.

شكرًا للدكتور فيصل الجهني، متميز ومبدع خُلُقًا وعلمًا.

أنا كان عندي بداية سمنة، وجربت كل أنواع الدايت والنادي والكروس فت وغيره، وكان يفرق معي كم كيلو وخلاص. وقتها وصل وزني 68 كيلو وطولي 153، وبدأت الإبر.

خلال سنة وصل وزني 48 كيلو، وفعلًا ناسبتني جدًا ما شاء الله. وحتى لما تركتها، ظليت على اللايف ستايل اللي بدأته مع الإبر: نادي وأكل صحي، وصيام متقطع، وتقليل الكارب والسكر.

وليا حاليًا خمسة شهور بدون الإبر، ووضعي الحمد لله تمام. وزني ما يزيد أو ينقص إلا بين فترة وفترة كيلو.

خلاصة الموضوع، اكتشفت إني آكل لما أتضايق، والإبر خلتني أتحكم بشهوة الأكل. ولما بدأت أشوف النتائج، جسمي تعود على اللايف ستايل، وصار ما يتقبل الأكل المليان دسم أو الحلا المليان سكر.

وشكرًا لك دكتور فيصل، لأنك كنت سببًا في وضعي الحالي.

الدكتور فيصل الجهني من أفضل الدكاترة، يؤدي عمله بكل أمانة وصدق، ويشرح الحالة للمريض بالتفصيل.

ما قصرت يا دكتور، الله يعطيك العافية على كل شيء تقدمه، وعلى أسلوبك الجميل مع المرضى. الله يجزاك كل خير.

شكر خاص للدكتور فيصل، الله يعطيه العافية ويكتب أجره.